مساكم وصبحكم الله بالخير
كيف الحال جميعا
جبتلكم اليوم اكلة باكستانية مشهورة
على مستوى الخليج ( البرياني )
وبما اني عايشة في عقر دار الباكستانيين فجبت لكم الطريقة المضبوطة لعملة
نبدى بسم الله بالمقادير
1 دجاجة مقطعة 10 اجزاء ويفضل بدون جلد
4 ملاعق زبادي
ملعقتين معجون طماطم
بصل وثوم مفرومين
1 بطاطسة كبيرة
او 2 متوسطة مقطعة مثل ماهو واضح بالصورة
رز بشاوري
بهارات البرياني اللي واضحة بالصورة في انواع كثيرة بالسوق انا شخصيا هاذا النوع اكثر نوع ناسبني لان حرارتة متوسطة وطعمة لذيذ ماادري اذا متوفر بالبلاد العربية والا لا بس اتمنى يكون واضح بالصورة مانحط العلبة كاملة انا في الطبخة احط تقريبا 4 ملاعق اكل
اول شي نكشن للبصل والثوم بزيت زيتون الين مايذبل البصل مو يتحمر
وبعدين نضيف الدجاج ونقلبة الين مايتغير لونة تقريبا 15 دقيقة
وبعدين نضيف البطاطس ونستمر بالتقليب ونضيف الزبادي ومعجون الطماطم والبهارات والملح ونستمر بالتقليب الين ماتلاحضي ان الدجاج استوى وباقي فية شوي مرق
وتكوني وقتها سالقة بقدر ثاني الرز مع ملح وحبتين عويدي وحبة قرفة مو استوى كامل تقريبا ثلاثة ارباع الاستواء
وبعدين نحط الرز على الدجاج ونحل شوي صفار زعفران بموية ونحطة على وجة الرز ونغطي القدر الين ماتحسي ان الرز تشرب المرقة اللي باقية من الدجاج
ونجيب طبق التقديم ونقلبة زي المقلوبة
لما نقلبة بنلاحظ تدرجات الالوان الدجاج لونة مايل للاحمرار والرز الابيض واخر شي الرزالاصفر ويزين بالكزبرة المفرومة
ويقدم مع سلطة زبادي
وبالهنا والعافية على قلوبكم مقدما
الصورتين الاخيرة مو واضحة بسبب البخار كنت مستعجلة
ودمتم سالمين
يالله الله الله بالردود السنعة
موضوع: +++ بالصور برياني باكستاني على اصولة +++ 
الأربعاء مارس 09, 2011 11:31 am